3 d’abr. 2012

Manifestacion "Anem Òc"


Eth 31 de març, dissabte passat, se debanèc ua grana manifestacion en Tolosa (País Tolosan, Occitània), damb mès de 30 000 persones. Era manifestacion, organizada cada dus ans per ua coordinacion qu'amasse l'IEO nacionau, er Òc-Bi e es Calandretas, siguec seguida de concèrts de Nadau, Goulamas'k e Lo Còr de la Plana, entre auti.




Era hèsta comencèc ena plaça d'Euròpa, peth maitin. I auie un "vilatge occitan", ua espèça de hèira on empreses occitanes aufrien es sòns productes en tot hèr país. Ena entrada d'aguesta plaça i auie eth madeish panèu qu'ena manifestacion de Carcassona: "La lenga que parlam es patrimòni de l'umanitat". 

Causes corioses que i auie: ua gojata japonesa qu'auie hèt un diccionari occitan-japonés. Er alcalde de Vilanòva de Magalona damb eth panèu d'entrada ath sòn pòble. Un pialèr de gent que jogaue musica (tipicaments occitan!). Es gigantes de Ramon de Tolosa e Joan Jaurès. E minjar occitan: paelha (ironia) e aligòt.

Tàs dues e mièja que comencèc era manifestacion, o eth "hestenau", segontes era Dépêche du Midi.
Qué i auie:
Alcaldes e presidents de regions que balhen supòrt ar occitan. Eva Joly, candidata ara presidéncia de França. Non i ère ne eth Síndic d'Aran, Barrera, ne er ex Síndic Boya, pr'amor d'un compromís en aran. Òc que i ère Josèp Loís Sans Socasau. De Catalonha, i auie representacion de Convergéncia e ICV, e dera Generalitat, Ivonne Griley, cap de politica lingüistica.
Tanben i auien es tres bessones. Ua hemna damb un drapèu d'Aran enòrme. E un pialèr de hemnes que jogauen un instrument que tanben jògue Lou Dalfin. Persones des Valades Occitanes. Eth milhor moment siguec, sense cap de dobte, quan era manifestacion cantec tota amassa er imne d'Occitània:



Eth recorregut acabaue ena plaça deth Capitòli, on i auie un gran panèu en occitan, arab e ebrèu, donques hège referéncia ar atemptat dera setmana passada. Es 30 000 persones escotèren eth parlament de Laffont, que hèc referéncia as manifestacions que enguan se hègen en totes es regions de França: Bretanha, Catalonha... E dempús, de debanèren es concèrts e era hèsta.



Mès imatges ací.
Notícia en eth nau diari en occitan, eth Jornalet
Notìcia en siti web deth Conselh Generau: (encara que parle de Tolouse, cau hèr critica d'açò)
Notícies ena Setmana, jornau en occitan.

Cap comentari:

Publica un comentari a l'entrada

Arrebremba-te de méter eth tòn mail se vòs ua responsa.