11 de febr. 2012

Arrepervèris, jornades de codina e vèrbs

(c) Rosa Medina
Bon dia! Aué vengui cargat de nauetats. Començam.

Arrepervèris en aranés. Er occitan d'Aran que compde damb ua grana quantitat d'arrepervèris sus eth temps. Aguest siti qu'ei ua basa de donades sus arrepervèris que viren ath torn deth calendari. Ei hèt pera Universitat de Barcelona sus era direccion deth Professor Gargallo. I participèc Aitor Carrera, dera UdL, er autor dera 'Gramatica Aranesa'.

Ath delà, trapam un blòc damb qaute entrades damb arrepervèris en aranés. Eth blòc que se ditz 'Raons que rimen', e eth sòn autor qu'ei Víctor Pàmies.  Prumèra, dusau, tresau e quatau. Ei interessant pr'amor qu’eth hè era comparason damb es arrepervèris catalans. Eth madeish que cerque finançament entà hèr un dusau diccionari d'arrepervèris. Clicatz ací entà collaborar.

Toti es arrepervèris les pòdes trapar en libe Arrepervèris dera Val d'Aran, mès ei agotat.

Per cèrt: enquia eth 26 de hereuèr se hèn ues jornades de codina aranesa en Cabrils (Maresme, Catalonha).

Entà acabar: Llibres de l'índex que ven de hèr ua redicion de 'Es vèrbs en aranés. Morfologia verbau aranesa', un libe imprescindible entà toti aqueri que parlen aranés, e, sustot, entà toti aqueri qu'èm en tot aprener-lo. No perdatz era chança de crompar-lo.

Non vos desbrembetz de passar-me ligams, documents, o de comentar. Hètz a seguir eth blòc e compartitz-lo enes hilats sociaus.

Adishatz! A totara!

Cap comentari:

Publica un comentari a l'entrada

Arrebremba-te de méter eth tòn mail se vòs ua responsa.